Me çanta dhe dosje, gazetarët Elton Qyno dhe Artan Hoxha dalin pas dy orësh nga SPAK
25/11 16:08
Analisti Milaim Zeka debatoi me gazetaren Juli Xhokaxhi për shkak të Asociacionit në Kosovë, të cilën kjo e fundit e kundërshton.
Sipas gazetares Asociacioni është një artificë për të kënaqur etjen e serbëve dhe për të mbajtur ndezur tensionet mes Kosovës dhe Serbisë.
Zeka e konsideron Asociacionin sëmundje për Kosovën dhe se është gjithmonë kundër tij.
Analisti u shpreh se kryeministri Albin Kurti nuk ka për ta dëgjuar këshillën e Washingtonit dhe BE-së, pasi sipas tij lideri nuk është i Kosovës por i rrjeteve sociale.
Debati i zhvilluar mes Milaim Zekës dhe Juli Xhokaxhi:
Juli Xhokaxhi: O Mialim ne e dimë shumë mirë që Asociacioni është një artificë për të kënaqur etjen e serbëve dhe për të mbajtur gjërat ndezur. Është artificë, e rëndësishme është që Kurti ta negociojë siç duhet.
Milaim Zeka: Pse Albin Kurti nuk është kurrë në nivelin e Ibrahim Rugovës dhe Hashim Thaçit? Shkurt po e them.
Juli Xhokaxhi: Mos bëj krahasime në kohë të ndryshme Milaim, të lutem. Janë dy epoka totalisht të ndryshme. Ka zë Kosova sot.
Milaim Zeka: O Juli a mua po mi tregon kohët?!
Juli Xhokaxhi: Ka zë sot.
Milaim Zeka: Cilin zë?
Juli Xhokaxhi: Është shtet mor burrë. Mos më krahaso momentin e Ibrahim Rugovës ishte luftë, ishte tjetër gjë.
Milaim Zeka: Tani Albin Kurti nëse tregohet burrë shteti dhe e dëgjon këshillën e Washingtonit dhe BE-së dhe e bën Asociocionin. Por ky nuk do ta bëjë sepse nuk është burrë shteti. KY është lider i rrjeteve sociale.
Juli Xhokaxhi: Milaim, për ty pse duhet të bëhet Asociacioni? Çfarë fiton Kosova nga Asociocioni?
Milaim Zeka: Unë kam qenë pro ndërrimit të kufijve, pro ndërrimit të territoreve. Unë jam gjithmonë kundër Asociocionit. Asociocioni është kanceri i shtetit të Kosovës.
Juli Xhokaxhi: Gabimi për mua i Kurtit është që ai e provokoi situatën me gjëra të vogla, me targat, me pjesën e zgjedhjeve. Provokimi ishte në mënyrën e gabuar, mund të kishte gjëra më të rëndësishme.
Top Channel
