Merkeli “e trembur” nga Musk? Ish-kancelarja: Zotëron mbi 60 për qind të satelitëve, duhet kontrolluar
24/11 11:14
Banorë të Gazës zhvendosur prej bombardimeve në zonën jugore të Rafah përfitonin sot nga moti me diell për të tharë veshjet e tyre në tela të ngritur në rrugë, përgjatë tendave të tyre.
Më shumë se 1 milionë banorë të Gazës janë detyruar të zhvendosen drejt jugut nga Izraeli, që jetojnë tashmë në tenda të improvizuara në të ftohtin e dimrit, shkruan rrjeti AFP.
Neveen Abd El Jawad Matar, e zhvendosur nga kampi i refugjatëve Al-Shati në Gaza thotë se kërkon ndihmë për fëmijët e saj.
“Kam gjashtë fëmijë, katër vajza e dy djem, po laj këtu me dorë, iu luta njerëve për ujë sepse vetë nuk kam asgjë. Edhe batanijet m’i kanë dhënë të tjerët. Në tendë nuk kam asgjë”.
Khulud Jarboueh dhe fëmijët e saj gjithashtu u larguan nga shtëpia në veri të Gazës prej bombardimeve izraelite në fillim të tetorit. Ajo thotë se në tetor ishte ende ngrohtësia e verës ndërsa tani duhet të gërmojë mes rrobave për të gjetur pak ngrohtësi e për t’u mbrojtur nga shiu.
“U larguan nga Gaza me 20 familjarë më shumë se dy muaj më parë,” thotë 29-vjeçarja për rrjetin AFP pranë një stende me rroba të përdorura në Rafah.
Tani Jarboueh dhe familja e saj flenë në dyshemenë e një shkolle në një shkollë të misionit të OKB.
Por edhe para luftës së fundit jeta në Rripin e Gazës ishte e vështirë teksa Izraeli mbante të bllokuar territorin që prej vitit 2007.
Fermeri Walid Sbeh thotë se është zhvendosur me forcë nga toka e tij dhe se nuk ka më asnjë para. Ai me gruan dhe 13 femijët gjithashtu janë vendosur në shkollën në Rafah.
“Fëmijët e mi janë të uritur dhe ende me rrobat e verës, nuk mund t’i blej asgjë. Ata na dëbuan nga shtëpitë dhe na vrasin me gjakftohtësi, nëse nuk vdesim nga bombat, vdesim nga uria, etja, i ftohti”, tha burri për AFP.
Top Channel
