Gruaja nga Missouri merr pafajësinë 43 vjet pas burgut, për vrasjen e kryer nga ish-polici (fotot)
15/06 21:47
Silvana është nga mijëra qytetarë të BE në Britani që nuk janë në dijeni të kërkesave të ri-aplikimit sipas skemave post-Brexit.
Një investitore teknologjie mjedisi që ka jetuar për 14 vjet në Britani po kërcënohet me largim nga vendi, megjithëse ka jetuar aty për 14 vjet, shkruan e përditshmja The Guardian.
Ministria e brendshme thotë se mijëra të tjerë si ajo, nuk janë në dijeni të rregullave të vitit 2019 që kërkojnë aplikim për skemën e re për qytetarët e BE.
Silvana, emri i plotë i të cilës nuk është bërë publik, zbuloi se karta e saj e rezidencës së përhershme nuk ishte më e vlefshme kur aplikoi për sigurimin shëndetësor të së bijës.
Ajo thotë se autoritetet i kërkuan të apikonte për zëvendësimin e mjetit biometrik të identifikimit dhe pagoi 200 paundë për takim të shpejtë, pasi familja e saj duhet të udhëtonte për pushime.
Por sërish iu kërkua të aplikonte për skemën e ri-regjistrimit të BE, e cila ishte mbyllur në qershor 2021, por mbetej e hapur për aplikime të tjera “mbi baza të arsyeshme”.
Me bashkëshortin britanik dhe të bijën me qytetari të dyfishtë, ajo ka marrë rezidencën e përhershme në 2016, si hap i parë drejt qytetarisë britanike, por më vonë ajo hoqi dorë prej kostove.
Megjithë ankesat për paqartësinë dhe burokracitë e skemës, një zëdhënës i ministrisë së brendshme tha se “është bërë e qartë prej kohësh që dokumentet e rezidencës kanë humbur vlefshmërinë prej qershorit 2021.”
“Megjithahtë ne vazhdojmë të pranojmë aplikimet për rastet me baza të arsyeshme për vonesat në aplikim”, tha zëdhënësi.
Top Channel
