VIDEO/ Manchester City dhe Interi ndahen në “paqe”, Girona debutuese mposhtet në fund nga PSG. Mësoni rezultatet e mbrëmjes 18/09 22:59
Neymar Junior nuk do të marrë pjesë në Kupën e Amerikës 2024, që do të zhvillohet në qershor dhe korrik në Shtetet e Bashkuara, për shkak të dëmtimit të rëndë të pësuar në tetor.
Këtë e ka bërë të ditur mjeku i kombëtares braziliane.
“Ylli” i Seleçaos u dëmtua gjatë humbjes 2-0 kundër Uruguait në Montevideo, në një ndeshje kualifikuese për Kupën e Botës 2026. Ai u transportua me barelë mes lotësh dhe iu nënshtrua një operacioni në nëntor, pasi kishte këputur ligamentin e kryqëzuar dhe meniskun e gjurit të majtë.
Duhen të paktën nëntë muaj rehabilitim për t’u rikthyer pas një dëmtimi të tillë, ka shpjeguar mjeku brazilian, Rodrigo Lasmar, duke përjashtuar mundësinë që Neymar të marrë pjesë nga data 20 qershor deri më 14 korrik në kompeticionin që bashkon dhjetë kombet e Konfederatës së Futbollit të Amerikës së Jugut (Conmebol) dhe gjashtë të Konfederatës së Futbollit të Amerikës së Veriut, Amerikës Qendrore dhe Karaibeve (Concacaf).
“Ai nuk do të ketë kohë, është shumë herët. Nuk ka kuptim të nxitosh për ta ngritur në këmbë para kohe dhe të marrësh rreziqe të panevojshme,” tha Lasmar. “Duhet të jemi të durueshëm. Të flasim për një kthim para nëntë muajsh është herët,” shtoi ai.
Doktori, megjithatë, qetësoi fansat për shanset që ka 31-vjeçari, i cili luan për klubin saudit Al-Hilal, për t’iu rikthyer paraqitjeve të tij para lëndimit.
“Ne presim që ai të rikuperohet plotësisht pas kësaj periudhe, i gatshëm për t’u rikthyer në një nivel të lartë, me rezultate të mira, pa asnjë lloj kufizimi”, tha Lasmar. /Supersport
Top Channel
