Video dramatike tregon përballjen fatale të policëve me pengmarrësit e dyshuar në Arizona, SHBA

19/12/2023 21:40

Pamje të rënda të kamerave trupore të policisë janë publikuar në SHBA pas një shkëmbimi zjarri në Arizona që përfundoi me vrasjen e sulmuesit dhe arrestimin e një tjetër të dyshuari gjatë shpëtimit të një viktime qe besohet se ishte marrë peng.

Në incidentin e rëndë të 13 nëntorit në parkingun e restorantit Moreno’s Mexican Grill, dy burra — Rene Calderon, 45 vjeç, e Wyatt Edge, 43 — ishin brenda mjetit të dyshuar, raporton rrjeti Arizona’s Family.

Teksa Edge hyn në restorant tre policë me veshje civile e ndjekin atë dhe rrethojnë makinën, kurse shoqëruesi i tij Calderon nxjerr një automatik AK-47 dhe nis te qëllojë ndaj policëve.

Plumbat e sulmuesit përshkojnë xhamin e përparmë të makinës së policëve, të cilët shihen në pamje që kthejnë zjarrin për të ndaluar të kërkuarit.

Policët dëgjohen në video që kërkojnë të ndihmojnë viktimën ndërsa shkëmbimi i zjarrit vijon, deri në neutralizimin e një prej sulmuesve dhe plagosjen e tjetrit.

Një nga detektivët mbetet i plagosur sipas mediave, i cili shpëtoi me plagë të lehta.

Viktima i pengmarrjes raportohet se ishte larguar gjatë shkëmbimit të zjarrit teksa më pas një prej policëve dëgjohet në video të thotë: “Kam këtu viktimën, kam viktimën!”

Ndërsa një person shihet i shtrirë përtokë pranë tij.

“Falemnderit, falemnderit djema,” dëgjohet të thotë viktima pas përballjes.

Rene Calderon humbi jetën gjatë përplasjes me armë, ndërsa Edge mbeti i plagosur, raportonte policia.

Edge ka qenë një ish-marins i ushtrisë dhe u arrestua në restorantin meksikan.

Policia tha se pengmarrja nuk ishte e rastësishme dhe personat njiheshin me njëri-tjetrin teksa të gjithë ishin përfshirë në një grabitje disa javë më herët, sipas rrjetit lokal ABC 15.

Avokati i Edge tha se nuk ishte i përfshirë në ngjarje pasi kishte ardhur në Texas për të ndihmuar një mik që do të martohej.

Hetimet vijojnë.

FOTO GALERI

1/5