Derbi do luhet me tifozë, FSHF “fal” me llogari Tiranën para Partizanit 25/11 16:26
Empoli bie në “Stadio Olimpico di Torino” në takimin e javës së 16-të Seria A, ndërsa u mund me rezultatin 1-0 nga Torino.
Takimi ishte shumë i luftuar, ndërsa u zhbllokua në minutën e 25’ me Zapata-n që kaloi vendasit në avantazh.
Miqtë patën mundësinë për të barazuar në minutën e 30’ me Ebuehi, por pas verifikimit në VAR goli i tij u anulua për pozicion të parregullt.
Më pas në minutën e 44’ fat nuk pati as Cacace, pasi edhe goli i tij u anulua nga VAR për “offside”.
Pjesa e dytë solli raste shënimi nga të dyja anët, por në fund ndeshja u mbyll me vetëm një gol.
Sa u përket lojtarëve “kuqezi” të Empolit, Berisha dhe Ismajli vazhdojnë të mbajnë rolin e titullarit të padiskutuar, ndërsa nga minuta e parë e nisi sfidën e Stiven Shpendi, i cili luajti deri në minutën e 61’.
Pas këtij takimi, Torino renditet në vend të nëntë me 23 pikë, teksa Empoli në vend të 18-të me 12 pikë./ Super Sport
Top Channel
