Gjashtë palestinezë janë vrarë në një sulm izraelit me dron në një prej qyteteve të pushtuara të Bregut Perëndimor.
Ky lajm u publikua nga Ministria palestineze e Shëndetësisë dhe agjencia e lajmeve WAFA.
Ky numër është rritur, pasi më parë u raportua vetëm për katër viktima.
Sky News shkruan se në mesin e të vdekurve është një 13-vjeçar, i cili humbi jetën pasi forcat izraelite penguan një ambulancë që ta transferonte në spital për të marrë trajtim mjekësor.
Gjysmëhëna e Kuqe Palestineze tha se një 36-vjeçar vdiq nga plagët e marra për të njëjtën arsye.
🚨Fuad Imad Abahreh (36 years old) was martyred in Jenin after the IOF prevented the PRCS EMS teams 🚑from transporting him to the hospital for half an hour, following his injury in the thigh with live ammunition, leading to his martyrdom.#Jenin#NotATarget #WestBank pic.twitter.com/SE29V59xzZ
— PRCS (@PalestineRCS) December 12, 2023
IDF njoftoi se po vepronte në Jenin dhe kampin e refugjatëve ngjitur për të arrestuar palestinezë të dyshuar për përfshirje në “aktivitete terroriste”.
Izraeli kryen bastisje në Bregun Perëndimor shpesh herë, duke pretenduar se individë të lidhur me Hamasin fshihen atje.
Drejtori i spitalit Jenin i tha WAFA-s se palestinezët ishin në shënjestër të drejtpërdrejtë.
Para këtij sulmi, ministria e shëndetësisë raportoi se 275 palestinezë ishin vrarë në Bregun Perëndimor të pushtuar që nga 7 tetori.
Ka përleshje dhe trazira të rregullta në Bregun Perëndimor, të rënduara nga kolonët izraelitë që kërcënojnë dhe shkaktojnë dhunë ndaj palestinezëve nëse ata nuk heqin dorë nga toka e tyre.
Veprimet e tyre janë dënuar edhe nga mbështetësit më të fortë ndërkombëtarë të Izraelit, si SHBA. Hamasi nuk është përgjegjës në Bregun Perëndimor dhe asnjë peng nuk po mbahet atje.
Top Channel