Ekonomia, çështja kryesore për votuesit amerikanë! Premtimet e Biden dhe Trump 12/05 16:58
Ukraina njoftoi se Rusia është goditur në 24 orët e fundit me rreth 100 sulme ajrore në të gjithë vendin.
“Armiku lëshoi gjithsej 28 raketa dhe 27 sulme ajrore, duke gjuajtur 59 herë nga sistemet e raketave të shumta lëshuese në pozicionet ushtarake të Ukrainës dhe zonat e populluara”, deklaroi Shtabi i Përgjithshëm i Ukrainës të shtunën.
Rajone të shumta në lindje u shënjestruan, duke përfshirë Kharkiv, Luhansk dhe Donetsk, të cilat kanë përjetuar disa nga luftimet më intensive.
Sulmet vijnë një ditë pasi autoritetet ukrainase deklaruan se kapën raketa lundrimi për herë të parë në gati 80 ditë, pasi vlerësimet e inteligjencës perëndimore paralajmëruan se Rusia mund të zgjerojë bombardimet e saj ndaj infrastrukturës civile gjatë dimrit.
Të paktën një person u plagos si rezultat i bombardimeve gjatë natës në Kharviv, një nga rajonet nën shënjestrën ruse. Forcat ruse granatuan vetëm rajonin Kherson të Ukrainës 62 herë, duke gjuajtur më shumë se 300 predha.
Të paktën një civil u vra dhe një tjetër u plagos me predha pasi forcat ruse hodhën lëndë shpërthyese në qytetin Beryslav të rajonit këtë mëngjes.
Një grua 47-vjeçare në qytetin Kherson u plagos gjatë një sulmit të ndodhur mbrëmjen e kaluar. Në atë zonë u dëmtuan disa ndërtesa banimi.
Zyra e Prokurorit në rajonin Kherson zbuloi se ka nisur një hetim paragjyqësor për shkelje të ligjeve dhe zakoneve të luftës.
Top Channel
