Kryeqyteti skocez mbulohet nga dëbora teksa moti i ftohtë përfshin Britaninë dhe Irlandën (fotogaleri)
23/11 18:50
Vetëm disa orë para vizitës së shumëpërfolur në Athinë të presidentit turk Rexhep Tayyip Erdogan dhe takimit me kryeministrin grek Kyriakos Mitsotakis, në një intervistë për gazetën Kathimerini, lideri i Turqisë thekson se pret një kapitull të ri në marrëdhëniet greko turke të bazuar në parimin e që të dy palët të dalin të fituar (Kazan – Kazan ose win- win).
“Greqia është vendi ynë fqinj dhe ne do të mbetemi fqinjë. Ne ndajmë, të njëjtën gjeografi, të njëjtin det. Unë fola për një faqe të re në marrëdhëniet tona dhe për parimin fitues win -win. Ky koncept është tashmë në thelb të qasjes së Turqisë ndaj marrëdhënieve ndërkombëtare dhe diplomacisë”- tha Erdogan.
Në një pikë tjetër të intervistës ai thekson: “Ne kurrë nuk e kemi parë si armik apo rivale Greqinë fqinje.Unë shpesh them se besojmë se me fqinjët tanë dhe sidomos me Greqinë nuk kemi probleme që nuk mund të kapërcehen. Mendoj se ajo që ka ndryshuar kohët e fundit është se pala greke ka rishikuar perspektivën e saj ndaj nesh dhe ka filluar të kuptojë se ne jemi një komb që nuk do të refuzojmë kurrë dorën e miqësisë të shtrirë ndaj tij”.
Erdogan gjithashtu thotë se zoti Mitsotakis e kupton dhe sheh se dëshirojmë të kapërcejmë problemet mes dy vendeve dhe të avancojmë më tej marrëdhëniet tona. I pyetur se çfarë do t’i thotë atij mesditën e së enjtes gjatë takimit të tij në Athinë, ai është përgjigjur: “Do t’i them sa vijon: Kyriakos, miku im, ne nuk të kërcënojmë nëse nuk na kërcënon. Le të forcojmë besimin mes dy vendeve tona”.
Erdogan ka vënë në dukje se janë një sërë çështjesh që mund të zgjidhen mes dy vendeve si ato të Egjeut, lufta e përbashkët kundër emigracionit të paligjshëm, bashkëpunimi për rezervat energjetike në Egje dhe Mesdheun Lindor, fakt që sipas tij mund të kontribuojë në sigurinë energjetike të vendeve të rajonit si dhe në zgjidhjen e çështjeve politike.
Por ajo që theksojnë edhe mediat greke dhe analistët është fakti se presidenti turk kërkon nga pala greke që në Hagë dy vendet të mos shkojnë vetëm për shelfin kontinental dhe ZEEE, siç kërkon Greqia, por edhe për më shumë çështje që duhet të përfshihen në një apel të mundshëm.
Dy fqinjët ndajnë pozicionime të tejskajshme për shumë çështje mes tyre kufiri detar, ZEE, demilitarizimi i ishujve apo edhe çështja qipriote.
Top Channel
