Kinema Të Fundit

I publikuar në fund të vitit, filmi japonez shpallet filmi më i mirë aksion i 2023-shit

06/12/2023 18:17

Godzilla, “babai” i filmave të ardhshëm aksion, ka qenë një element kryesor i kinemasë për gati 70 vjet. Godzilla Minus One i ri, i prodhuar në Japoni, po vlerësohet si ndër më të mirët e të gjitha kohërave.

Ky mund të jetë një mësim për Hollywood-in. Thuhet se i bërë për vetëm 15 milionë dollarë, me një komplot të thjeshtë dhe një hero çuditërisht të komplikuar, njerëzor, e ka bërë filmin një hit pikërisht në momentin që ekskluzivitetet e tepërta të superheronjve të Hollivudit po dështojnë.

I shkruar, drejtuar dhe me efekte vizuale nga regjisori veteran japonez Takashi Yamazaki, Godzilla u publikua në SHBA më 1 dhjetor dhe fitoi 11 milionë dollarë gjatë fundjavës, duke u renditur në vendin e tretë pas “Rilindjes” së Beyonce-s dhe filmit më të fundit Hunger Games. Ky mund të mos tingëllojë si një numër i madh, por është i madh për një film me titra.

Në mbarë botën, filmi tashmë ka dyfishuar buxhetin e tij, me 23 milionë dollarë në Japoni.

Godzilla, është një përzierje e mrekullueshme e veprimit dhe karakterit. Pak filma me përbindësh, ose filma të suksesshëm aksion në përgjithësi, kanë marrë vlerësime të ngjashme.

Top Channel