Ekspertët: Zbutja e varfërisë mund të zbusë krizën e migracionit 25/11 07:18
“Ndryshimi i klimës është sfida më e madhe e shekullit të 21-të, dhe kjo është bindja që na bashkon”, deklaroi kancelari gjerman Olaf Scholz në Konferencën e Klimës COP28 që mbahet në Dubai.
Me këtë samit, nisi punën zyrtarisht edhe i ashtuquajturi Klubi i Klimës, një grupim prej 36 vendeve anëtare, iniciativë kjo e Gjermanisë që synon të vihet në krye të përpjekjeve për mbrojtjen e mjedisit.
“Ne duam të mbështesim rritjen e pastër ekonomike, dhe duam ta bëjmë këtë shpejt. Klubi nuk është në konkurrencë me masat e OKB-së, por është një grupim i atyre vendeve që janë të gatshme të shkojnë edhe një hap më tej”, tha Scholz.
Qëllimi kryesor është dekarbonizimi i industrisë, praj heqja dorë prej lëndëve djegëse fosile, për ta ulur emetimin e gazrave të dëmshme të efektit serë, që dëmtojnë klimën. “Fillimisht duhet të kujdesemi për sektorin e çelikut dhe çimentos, sepse prej tij shkaktohet pjesa më e madje e emetimeve industriale”, tha Scholz.
Si pjesë e përpjekjeve për të arritur objektivin e emetimeve neto zero deri në 2050-tën, më shumë se 20 vende pjesëmarrëse të konferencës bënë thirrje për trefishimin e kapacitetit botëror të energjisë bërthamore.
“Dua të ritheksoj këtu faktin se energjia bërthamore është një energji e pastër dhe ajo duhet të përsëritet. Energjia nukleare po kështu është e qëndrueshme, dhe një plotësuese e përsosur e burimeve të rinovueshme”, u shpreh Macron.
Përdorimi i energjisë bërthamore si një alternativë më e pastër ndaj lëndëve djegëse fosile është në fakt, temë debatesh të ashpra për shkak se grupet e mbrojtjes së ambientit janë mjaft të shqetësuara për sigurinë e saj dhe asgjësimin e mbetjeve bërthamore.
Top Channel
