Edhe këtë të premte, ish-ministri i Shëndetësisë, Ilir Beqaj, ka zbatuar vendimin për t’u paraqitur në gjykatë.
Beqaj, sikurse raporton gazetarja Anila Hoxha, është paraqitur në orarin e caktuar, në 15:30. Ndryshe nga herët e tjera, këtë herë, ish-ministri ishte vetëm, pa avokatin e tij.
Për ish-ministrin, GJKKO ka lënë në fuqi masën e sigurisë “Detyrim për paraqitje” dhe “Ndalim i daljes jashtë shtetit”.
Prokurorët e SPAK prej tre vitesh e kishin nën hetim ish-ministrin socialist të Shëndetësisë për veprat penale të “Shpërdorimi i detyrës” në bashkëpunim, “Shkelja e barazisë së pjesëmarrje në tendera apo ankande publike” kryer në bashkëpunim, si dhe “Korrupsioni pasiv i funksionarëve të lartë shtetëror ose i të zgjedhurve vendorë”. Për llogari të këtij hetimi, në 17 Gusht 2023 SPAK arrestoi ish-zëvendës ministrin e shëndetësisë Klodian Rrjepaj dhe biznesmenin Ilir Rrapaj, fitues i koncesionit të sterilizimit.
Top Channel
