Avioni përplaset me disa kamionë teksa zbriste në pistë, tre të plagosur 17/11 22:57
Andreas Hoberg është gjetur gjallë pas tre ditësh në parkun me luanë, bufalo, leopardë dhe elefantë, apo gjithçka tjetër e rrezikshme që pritet nga bota e egër e xhunglës, thanë zyrtarët.
Hoberg ishte gjetur dje çuditërisht në shëndet të mirë në parkun natyror Matusadona në veri të Zimbabve, njoftonin zyrtarët, ku ishte zhdukur të shtunën pasdite me makinën e tij.
Por deri në ora 18.00 kompania ku kishte marrë makinën me qera, nuk arrinte ta lokalizonte më në sistemin GPS.
Kreu i rojeve të parkut Tinashe Farawo tha se operacionet e kërkim-shpëtimit përfshinë dhe helikopterë, disa automjete dhe qen nuhatjeje.
“Ne ishim shumë të shqetësuar, por tani jemi të lumtur që ai është mirë. Ai thotë se makina e tij pësoi një defekt mekanik, ishte një makinë e bardhë, dhe ne kishin shpresë së do ta gjenim”, tha ai.
Parku Kombëtar 1,400- kilometra katorë Matusadona në Zimbabve banohet nga luanë leopardë e kafshë të tjera të rrezikshme, shton Farawo.
Në veri të tij gjendet liqeni Kariba si dhe dy lumenj me ujë gjithë vitin –Ume e Sanyati. Ndërsa emrin e tij parku e merr nga kodrat Matusadona që përbëjnë pjesën e tij të pasur me burime.
Top Channel
