Vritet një grua në Prishtinë, rrethanat ende të paqarta
29/11/2023 23:54
Në listën e zezë të SHBA/ Analiza e REL: Firmat e sanksionuara, dikur në bashkëpronësi të Radojçiçit, fituan miliona euro 09/05 20:30
Një grua është gjetur e vrarë në një makinë në Prishtinë.
Policia e Kosovës mori njoftim për të shtëna me armë në rrugën “Dalip Alshiqi” të mërkurën rreth orës 20:20, tha zëdhënësja për rajonin e Prishtinës e Policisë së Kosovës, Flora Ahmeti, për Radion Evropa e Lirë.
“Policia si dhe mjekët emergjentë, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes”, tha ajo.
Sipas mediave kosovare, viktima ishte gruaja e Naim Murselit, këshilltarit të ish-presidentit të Kosovës, Behgjet Pacolli. Familja Murseli dyshohet se u përballën fillimisht me disa grabitës, sipas Sinjalit. Pasi grabitësit i morën sendet me vlerë, dyshohet se kanë qëlluar me armë, duke lënë të vdekur në vend 33-vjeçaren.
Identiteti i viktimës nuk është konfirmuar ende nga policia, ndërkohë që pritet hetim nga Prokuroria.
Top Channel
