Richard Grenell, përfundimisht “larg shqiptarëve”? Trump do e caktojë të dërguar të posaçëm për konfliktin Rusi-Ukrainë 23/11 11:16
Joe Biden ka thënë se lejimi i vazhdimit të konfliktit në Gaza “do t’i japë Hamasit atë që ata kërkojnë”.
Presidenti i SHBA tha se Hamasi filloi sulmin më 7 tetor sepse i frikësohej “asgjë më shumë se izraelitët dhe palestinezët që jetojnë krah për krah në paqe”.
“Të vazhdosh rrugën e terrorit, dhunës, vrasjeve dhe luftës do të thotë t’i japësh Hamasit atë që ata kërkojnë,” tha ai në X, dikur Twitter.
Tweet-i i tij shkaktoi konfuzion, me disa pyetje nëse Biden po sinjalizonte një zbutje të qëndrimit të SHBA-së ndaj konfliktit.
Biden ka kundërshtuar më parë një armëpushim, duke thënë se ai nuk do të sillte paqe mes Izraelit dhe Hamasit.
“Për sa kohë që Hamasi i përmbahet ideologjisë së tij të shkatërrimit, një armëpushim nuk është paqe,” shkroi ai në një artikull të opinionit të Washington Post në fillim të këtij muaji.
Por një zyrtar i lartë nga administrata e Biden tha për Jewish Insider se kjo deklaratë e tij “nuk ishte një ndryshim në politikë”, duke shtuar se erdhi nga një fjalim më i gjatë që ai mbajti javën e kaluar.
“Ai donte të thoshte se ne nuk mund të humbasim shpresën për paqen, se është ende tepër e rëndësishme që ne të vazhdojmë të hedhim bazat dhe të krijojmë kushtet për një paqe të qëndrueshme dhe që përfshin një dy shtete”, tha zyrtari.
Top Channel
