Hiqen kufizimet, Presidenti Biden do të lejojë Ukrainën të përdorë armë amerikane për sulme brenda Rusisë 17/11 20:24
Ministri i Jashtëm i Ukrainës, Dmytro Kuleba do të bojkotojë një takim të Organizatës për Siguri dhe Bashkëpunim në Evropë në Maqedoninë e Veriut këtë javë për shkak të një vendimi për të lejuar pjesëmarrjen e ministrit të jashtëm rus Sergei Lavrov.
Një zëdhënës i Ministrisë së Jashtme të Ukrainës shkroi në një deklaratë në Facebook: “Delegacioni ukrainas nuk do të marrë pjesë në takimin ministror të OSBE-së në nivelin e ministrit të punëve të jashtme”.
Vlen të theksohet se, Lavrov tha dje se do të bashkohej me ministrat e jashtëm të OSBE-së, që përfshin Kanadanë dhe SHBA-në, në Shkup, nëse Bullgaria do të hapte hapësirën e saj ajrore për të. Lavrov theksoi se disa vende perëndimore kishin kërkuar takime me të.
Takimi i OSBE-së prej 57 anëtarësh, i cili synon të parandalojë konfliktin dhe krizat e sigurisë, zhvillohet nga 30 nëntori deri më 1 dhjetor.
Top Channel
