Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Disa qindra familje raportohet se kanë paditur grupet më të mëdha të teknologjisë në SHBA, ku thuhet se qëllimisht ekspozojnë fëmijët e tyre ndaj produkteve dhe përmbajtjeve depresive, vetë-lënduese apo të vetëvrasjes.
Taylor Little thotë për rrjetin BBC se ishte e varur prej rrjeteve sociale që prej moshës 12-vjeçare dhe kjo solli disa tentativa vetëvrasjeje dhe vite të tëra me depresion.
Taylor, tashmë 21 vjeçare është ende në krizë identiteti dhe përshkruan kompanitë e mëdha të internetit si “monstra të mëdhenj” që i japin fëmijëve në dorë qëllimisht produkte dëmtuese që krijojnë varësi.
Prandaj ajo dhe qindra familje të tjera po padisin katër kompanitë e mëdha të teknologjisë Meta – zotëruese e Facebook e Instagram – plus TikTok, Google e Snapchat.
Akuzuesit janë familje e shkolla nga e gjitha SHBA, të cilat pretendojnë se platformë janë krijuar qëllimisht për të dëmtuar fëmijët.
Avokatët përmendin rastin e 14-vjeçares së ndjerë britanike Molly Russell si një shembull i dëmeve me të cilat përballen fëmijët në rrjet.
Javën e kaluar familjet morën një mbështetje kur një gjykatë ndaloi që kompanitë të mbrohen me argumentimin e ‘lirisë së fjalës’ për përmbajtjet e tyre të mbrapshta, duke vendosur se platformat nuk janë publikues prandaj nuk mund të përdorin mbrojtje të tillë për përmbajtjet e dëmshme ndaj fëmijëve.
Gjyaktësi vendosi se kompanite nuk kryejnë verifikimet e moshës, apo rregullat e mbrojtjes prindërore.
Taylor, nga Colorado, thotë se rrjetet sociale i kanë mësuar vetë-lëndimin dhe pasigurinë e imazhit, duke kaluar rrjedhimisht në ankth e depresion kronik.
Avokatët përmendnin më tej rastin e 14 vjecares Molly Russell, nga Londra që vrau veten pas ekspozimit ndaj një serie përmbajtjesh negative e depresionuese në Instagram.
Hetimet vendosën se ajo vdiq nga “depresioni dhe efektet negative të përmbajtjeve online”.
Taylor thotë se dhe historia e saj është e ngjashme me këtë.
“Ndjehem me fat që kam mbijetuar. Më thyhet zemra kur dëgjoj për Molly. Tani që e kam kuptuar djallëzinë kam mësuar ta dua jetën, por më parë nuk besoja se do të arrija deri këtu”.
Ajo shton se është e vendosur të vijojë përpara me denoncimet:
“Ata e dinë që fëmijët vdesin me këtë dhe nuk i bëhet vonë. Ata fitojnë para me vdekjet tona”, tha ajo.
Top Channel
