Si do të funksionojë Departamenti i ri i Efikasitetit të Qeverisë? Do të drejtohet nga Elon Musk dhe ish-kandidati republikan për president 19/11 21:18
Spitali Al-Shifa mbetet objektiva e ushtrisë së Izraelit, por sipas tyre do të duhen javë për ta marrë nën kontroll.
Zëdhënësi i forcave izraelite, nënkoloneli Jonathan Conricus, deklaroi se ofensiva e tyre vijon në qendrën më të madhe spitalore në Gaza.
Ai u shpreh se Forcat e Mbrojtjes të Izraelit (IDF) po punojnë për të “ekspozuar saktësisht shtrirjen” e asaj, pasi pretendojnë se militantët e Hamasit janë nën spitalin në qytetin e Gazës.
“Ky operacion mund të zgjasë për javë të tëra”, deklaroi nënkoloneli.
Nga ana tjetër Hamasi ka mohuar se ka një bazë ushtarake nën objektin e spitalit. IDF ende nuk ka treguar prova për një bazë të Hamasit apo kompleks tunelesh nën spital.
Megjithatë, Conricus deklaroi se nuk ka mbaruar kontrolli i plotë i spitalit.
“Ne nuk e kemi kërkuar ende të gjithë spitalin. Do të jemi në gjendje të vlerësojmë gjendjen e tyneleve nëntokësore dhe shpresojmë të ndajmë disa pamje të saj”, tha ai.
Top Channel
