Kushtet për Kosovë-Serbi! Rruga europiane varet nga normalizimi i marrëdhënieve

Në vend thuhet se dialogu është kusht i përhershëm për proceset e integrimit.

“Për Kosovën, përveç aspektit procedural ka edhe kushte e kritere politike të cilat duhet zbatuar qofshin ato kompromise ose veprime të caktuara por janë të lidhura ngushtë aspekti i dialogut me avancimin”– tha Visar Xani, njohës i çështjeve politike.

Ai shton se edhe paralajmërimi i ndërprerjes së ndihmave financiare për Kosovën është aktualisht i vërejtshëm.

“Në aspekt të projekteve veçse ndjehet kjo, por nuk është shumë në imazh për të kuptuar përtej atyre që janë të përfshirë, por nëse ka moszbatim ato veç zyrtarizohen më shumë“- u shpreh Xani.

Ndërkohë që kryeministri i Kosovës, Albin Kurti më 26 tetor ka pranuar të nënshkruaj Marrëveshjen për normalizim të marrëdhënieve, aneksin e saj dhe draftin e Asociacionit të Komunave me shumicë serbe, këto kushtëzime pritet të ushtrohen ndaj Serbisë.

“Fakti që Bashkimi Evropian nuk vendosë asnjë sanksion së paku jo tash, për mua është mjaftueshëm indikative për të besuar që ato do të ruhen për një fazë vijuese kur pritet që Serbisë t’i bëhet një presion tjetër më i madh”– tha Dorajet Imeri, gjithashtu njohës i çështjeve politike.

Komisioni Evropian ka njoftuar se Kosova dhe Serbia nuk do të përfitojnë nga plani ekonomik në rast se nuk normalizojnë marrëdhëniet.

Top Channel