Akuzohet se dhunoi 3-vjeçaren në kopsht, arrestohet edukatorja Majlinda Dehima
09/11/2023 17:46
Vret veten efektivja e komisariatit nr.5 në Kamëz, detajet e para 24/05 19:00
Edukatorja Majlinda Dehima
Me urdhër të Prokurorisë së Tiranës, është arrestuar edukatorja Majlinda Dehima, e akuzuar për dhunë ndaj një 3-vjeçareje në një kopsht privat në Tiranë.
48-vjeçarja është arrestuar pas publikimit të pamjeve filmike në rrjet, ku shihet teksa keqtrajton një të mitur, e cila ka thyer edhe këmbën.
Majlinda Dehima, 48 vjeçe, akuzohet për veprën penale “Keqtrajtimi i të miturit”.
Policia thotë se ka nisur kontrollet në terren për të verifikuar ligjshmërinë e ushtrimit të aktivitetit nga operatorët ekonomik privat, teksa fton prindërit, mediat e qytetarët që të denoncojnë çdo rast të abuzimit e keqtrajtimit të fëmijëve në kopshte, çerdhe e shkolla.
Masa nga prokuroria u kërkua pasi ka marrë në dorëzim pamjet filmike të kopshtit privat, ku shihej në disa episode dhuna ndaj të miturës.
Ngjarja e rëndë ka tronditur edhe opinionin publik, të cilët përveç reagimeve të shumta, janë mbledhur sot të protestojnë para Ministrisë së Arsimit.
Top Channel
