Sulmi terrorist në Gjermani, reagon Presidenti Begaj: Ngushëllimet më të thella familjarëve të viktimave 20/12 23:42
Një djalë 14-vjeçar ka vdekur të dielën gjatë një gare vrapimi në një shkollë të mesme në Florida, SHBA.
Adoleshenti i identifikuar nga familjarët e tij si Knox MacEwen, pësoi atakun kardiak teksa vraponte në shkollën e tij Everglades, tha policia për rrjetin vendas NBC6-South Florida.
Personeli i emergjencës kishin ardhur me urgjencë dhe kishin dërguar MacEwen në spital por ai nuk mund të shpëtohej, thanë zyrtarët.
Drejtori i shkollës njoftoi vdekjen e tij duke shtuar se konsulentë psikologë do të punojnë kësaj jave me nxënësit për t’i ngushëlluar për ngjarjen e rëndë e të papritur.
“Një nga nxënësit tanë ka ndërruar jetë sot teksa transportohej në spital. Ofroj ngushëllimet më të thella për familjen e tij, miqtë e mësuesit, që mbajnë zi për këtë humbje të rëndë”, tha ai drejtori i shkollës Jimmy Arrojo.
Ende nuk duhet shkaku i atakut kardiak të 14 vjeçarit, por pastori i kishës vendase tha se MacEwen ishte i dashur nga të gjithë dhe se vdekja e tij është një humbje e madhe për komunitetin.
Miqtë e familjarët kishin ngritur një faqe donacionesh për shpenzimet e funeralit dhe për t’i lënë kohë prindërve të mbajnë zi për fëmijën. Aty shkruhej se nëna e adoleshentit Julie, “po përpiqej të rikuperohej fizikisht e financiarisht nga një betejë e gjatë me kancerin”, para se të goditej nga tragjedia.
Top Channel
