Kamala Harris pritet të fitojë $20 milionë për librin mbi fushatën e dështuar presidenciale dhe sekretet e Biden (fotot)
18/12 21:25
Mediat britanike publikuan sot momentet kur një trafikant shqiptar përlotet para policëve që e kapën në shtëpinë e tij, ku kishte ngritur një punishte kanabisi me vlerë sipas tyre rreth 175,000 paundë.
20 vjeçari Marisol Bezati, është burgosur tashmë dhe dënuar një vit e gjysmë, pasi kishte kthyer shtëpinë e tij në Peterborough, në veri të Anglisë në “shtëpi bari”.
Në pamjet video, ai shihet sesi struket i trembur në divanin e tij teksa oficerët thërrasin ‘Police!’, para se të hyjnë në dhomë dhe ta gjejnë atë.
Bezati duket i shokuar teksa oficerët e ndalojnë dhe e prangosin, dhe me sytë të “zgurdulluar” nga frika thërret: “Më vjen keq, më falni, nuk jam trafikant!”
Video tregon më pas sesi ka kthyer shumicën e shtëpisë në një fermë artizanale për kanabis.
Bezati u arrestua më 28 shtator pas një njoftimi të vullnetarëve të lagjes që dyshonin për aktivitetin e tij.
Bezati duket i shokuar teksa oficerët e ndalojnë dhe e prangosin, teksa me sytë të hapur nga frika thërret: “Më vjen keq, më falni!”
Oficerët gjetën në shtëpi 206 rrënjë bimë kanabisi, sipas tyre me një vlerë rreth 170 000 paundë, të cilat ngroheshin me llampa të fuqishme, ndërsa dera e dhomës së gjumit ishte e mbyllur.
Bezati tha se nuk mund të fliste anglisht kur oficerët i thanë se do të bënin një kontroll.
Në pamje shihet sesi i rriste bimët në dhomën e gjumit dhe në papafingo.
Bezati doli më pas para gjykatës së Peterborough ku u dënua me 1.5 vite burg për prodhim kanabisi dhe vjedhje të energjisë elektrike.
Hetuesi i çështjes Andrew Donaldson, i policisë së Cambridgeshire tha: “Ne do të vazhdojmë të godasim këto rrjete kriminale që prodhojnë e trafikojnë droga në zonën tonë, sepse ka lidhje të qarta mes kultivimit të kanabisit dhe krimeve më të rënda, çka nxit dhunën e luftës për territor mes bandave”.
Top Channel
