Kamala Harris pritet të fitojë $20 milionë për librin mbi fushatën e dështuar presidenciale dhe sekretet e Biden (fotot)
18/12 21:25
Díaz festoi golin për Liverpool të dielën duke zbuluar një bluzë me fjalët Liri për babin. Foto: Reuters
Kreu i Ushtrisë Çlirimtare Kombëtare të Kolumbisë (ELN) ka pohuar se grupi i tij gueril bëri një gabim kur rrëmbeu babanë e futbollistit të Liverpool, Luis Díaz javën e kaluar.
Prindërit e Diazit u rrëmbyen nga njerëz të armatosur në qytetin e tyre të Barrancas pranë kufirit me Venezuelën më 28 tetor.
Nëna e tij u shpëtua disa orë më vonë, por babai i tij, Luis Manuel Díaz, akoma nuk është liruar.
Autoritetet dërguan forca speciale për të kërkuar zotin Diaz dhe ofruan një shpërblim prej 48,000 dollarësh (38,700 £) për çdo informacion.
Të mërkurën, negociatorët e paqes të ELN u rrëfyen homologëve të tyre të qeverisë kolumbiane se njësia e saj e Frontit të Luftës Veriore kishte Luis Manuel.
Por tani komandanti i ELN ka thënë se rrëmbimi ishte një gabim dhe se grupi po punonte për lirimin e tij.
“Mbajtja e babait të Luis Diaz nga Fronti i Luftës Veriore ishte një gabim,” shkroi Eliecer Herlinto Chamorro, i njohur më mirë me emrin e tij “të luftës” Antonio Garcia, në kanalin e tij Telegram.
“Lucho është një simbol i Kolumbisë, kështu ndihemi ne në ELN për të”, shtoi ai, duke përdorur pseudonimin e futbollistit 26-vjeçar.
“Shpresojmë që situata operacionale në terren të mund të zgjidhet, ky është udhëzimi që komandantët kanë për të përshpejtuar lirimin.”
Top Channel
