Thirrje për armëpushim në Rripin e Gazës: Lideri i Hamasit u vra, tani ndaloni luftën 18/10 08:05
Protesta pro-palestineze ne Kolumbi
Kolumbia njoftoi sot se ka tërhequr ambasadorin e saj nga Izraeli për konsultime mbi situatën.
Presidenti kolumbian Gustavo Petro në njoftimin e tij akuzonte Izraelin se po kryente një “masakër” të palestinezëve në Gaza teksa po godet kundër grupit Hamas, të cilën vendi i tij nuk mund ta pranojë.
“Nëse Izraeli nuk ndalon masakrën e popullit palestinez ne nuk mund të qëndrojmë aty,” shkruante sot Petro në rrjetin X, i njohur më parë si Twitter.
He decidido llamar a consulta a nuestra embajadora en Israel. Si Israel no detiene la masacre del pueblo palestino no podemos estar allá.
— Gustavo Petro (@petrogustavo) November 1, 2023
Në fillim të muajit Kolumbia kishte kërkuar largimin e ambasadorit izraelit nga Bogota, pasi Izraeli kishte njoftuar se po ndalonte eksportet e pajisjeve të sigurisë për vendin amerikano-latin, koment që erdhi pasi Petro kishte krahasuar veprimet e Izraelit në Gaza me gjenocidin e Gjermanisë Naziste ndaj hebrejve në Luftën e Dytë Botërore.
Kili gjithashtu ka tërhequr sot ambasadorin e tyre nga tel Avivi duke cituar si arsye “shkeljet e papranueshme të ligjit ndërkombëtar humanitar nga Izraeli në Rripin e Gazës”, ndersa Bolivia ka nderprere marredheniet me Izraelin.
Top Channel
