Tensionet në Gjirin Persik, sporti pëson kolaps, pikëpyetje edhe për Finalissima 01/03 14:36
Disa deputetë të opozitës, mes tyre mbështetës të Berishës dhe të Gazment Bardhit të cilët janë përjashtuar, po tentojnë të marrin pjesë në mbledhjen e Konferencës së Kryetarëve.
Në orën 10:00 ishte parashikuar që të niste Mbledhja e Konferencës së Kryetarëve, ku do të bëjë prezantimin e projektligjit për buxhetin 2014, ministri i Ekonomisë, Ervin Mete, por duket se po pengohet nga deputetët e opozitës.
Mes tyre është edhe Gazmend Bardhi, i cili i është drejtuar krye parlamentares Lindita Nikolla: “Çfarë kam bërë unë për të mos marrë pjesë?”
PD bllokoi sallën e konferencës së kryetareve dhe nuk lejoi të zhvillohet mbledhja. Grupi i PS tentoi ta zhvillonte mbledhjen në salla të tjera, por nuk lejohen nga deputetët e opozitës.
Në fund ata tentuan të mblidheshin tek zyra e Lindita Nikollës, por as aty nuk u lejuan. Ata nuk lejuan as që ministri Mete të futej në sallë. Në këto kushte, mbledhja është shtyrë për në orën 13:00.
Deputet e PD-së, nuk lejojnë fillimin e mbledhjes së konferencës së kryetarëve për shkak të përjashtimit të deputetëve dhe mos përmbushjes së tre kërkesave kryesore.
Top Channel
