Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Një biznesmen i sanksionuar rus me pasuri më shumë se 16.5 miliardë paundë po përballet me ish-gruan e tij në gjykatë për ndarjen e pasurisë, në një nga divorcet më të kushtueshme e me te gjatë në histori, shkruajnë mediat britanike.
Vladimir Potanin kërkon të ndryshojë një vendim të gjykatës së apelit që i jep miliarda ish-gruas së tij Natalia Potanina.
Avokatët e milionerit kërkojnë të ndalojnë të arrijë në gjykatë pretendimin e zonjës Potanina, duke argumentuar se zgjatja e betejës ligjore vjen si rrjedhojë e bujarisë së gjykatave në Londër.
Gjykata thotë se Potanina kërkon rreth 5 miliardë nga ish-bashkëshorti pas prishjes së martesës së tyre.
Avokatët e saj thonë se ajo kërkon gjysmën e aksioneve të kompanisë minerare Norilsk Nickel, si dhe gjysmën e pronave në Rusi mes të cilave dhe vilën Shtëpia e Vjeshtës.
Avokatët e Potanina thonë se gjysma e vlerës së kompanisë arrin në 7.4 miliardë paundë dhe se cështja nuk mund të gjykohet në Angli.
Zoti Potanin kishte bllokuar fillimisht sjelljen e çështjes për gjykim në Londër në vitin 2019, kur gjykata angleze vendosi se padia ishte vetëm një “turizëm divorci”.
Por në një vendim të mëpasshëm gjykata e Apelit vendosi të pranojë pretendimin e zonjës për pranimin e çështjes.
Potanin – i përshkruar më parë si njeriu i dytë më i pasur në Rusi, pronar i konglomeratit Interros – është goditur me sanksione financiare pas sulmit të Rusisë në Ukrainë.
Milioneri akuzohet se ka akumuluar pasurinë si mbështetës i Vladimir Putin duke blerë aksione bankare si Rosbank e Tinkoff Bankonith që prej nisjes së konfliktit.
Potanin dhe zonja Potanina, të dy rreth 60 vjeç, janë martuar në Rusi në 1983, ku kanë jetuar shumicën e kohës, dhe kanë tre fëmijë të rritur.
Avokatët thanë se në fillim ata nuk ishin shumë të pasur, por pas shembjes së Bashkimit Sovjetik u krijuan mundësitë financiare me të cilat burri akumuloi pasurinë.
Potanin thotë se çifti janë ndarë që prej vitit 2007, dhe një gjykatë ruse u dha divorcin në vitin 2014. Por zonja Potanina thotë se ata janë ndarë papritur vetëm në vitin 2013.
Avokati britanik i zotit Potanin, Lord Faulks tha se beteja ligjore është nga më të gjatat më botë me 43 seanca duke përfshirë ato në Rusi, Britani, SHBA e Qipro.
Gjyqet në Rusi i sollën zonjës Potanina $84 milionë por avokatët e saj thonë se shpërblimi i divorcit ishte vetëm $41.5 milionë.
Lord Faulks tha më tej se zoti Potanin, i cili është rimartuar dhe jeton në Rusi, mund të përfaqësohej vetëm pasi mori lejen nga autoritetet e thesarit britanik.
Ai shtonte se Potanina nuk ka lidhje të forta me Britaninë apo Uellsin dhe se ligji nuk justifikon një shtesë të shpërblimit të dhënë nga një gjykatë e huaj.
Seancat pritet të përfundojnë nesër dhe vendimi do të jepet në një datë të mëvonshme.
Top Channel
