Kabineti izraelit i sigurisë miraton marrëveshjen e armëpushimit në Liban 26/11 19:28
Udhëheqësit e 27 vendeve anëtare të Bashkimit Evropian do të takohen më vonë në Bruksel për të diskutuar krizën që po shpaloset në Lindjen e Mesme.
Përpara samitit, Josep Borrell, shefi i politikës së jashtme të BE-së, tregoi se blloku do të shtyjë për një pauzë në luftimet për të lejuar ndihmën humanitare në Gaza. Megjithatë, jo të gjitha vendet e bllokut janë në të njëjtën linjë.
Ndërkohë që të gjitha shtetet anëtare janë përgjithësisht dakord që ndihma duhet të lejohet në Gaza sa më shpejt të jetë e mundur, ka hezitim nga disa për të miratuar një pauzë në luftë nga frika se kufizon aftësinë e Izraelit për t’u mbrojtur kundër sulmeve terroriste.
Konflikti Izrael-Gaza është jashtëzakonisht i vështirë për BE-në. Midis 27-shes, ka shtete anëtare si Irlanda dhe Luksemburgu, të cilët janë historikisht mbështetës të të drejtave palestineze dhe shihen si pëllumba të paqes.
Pastaj ka vende si Franca dhe Polonia, të cilët janë historikisht arrogantë dhe priren t’i shohin punët e jashtme nga një perspektivë e sigurisë.
Së fundi, ka vende si Austria dhe Gjermania, për të cilët çdo gjë të bëjë me Izraelin është diplomatikisht e vështirë për shkak të roleve të tyre në Luftën e Dytë Botërore dhe Holokaustin.
Përtej çështjes së menjëhershme të luftës që po shpaloset, Evropa ka shqetësimet e veta për pasojat e kësaj krize.
“Mund të ketë zhvendosje të ngjashme me Sirinë dhe Irakun,” tha një diplomat i lartë i BE-së për CNN. “Kjo çoi në ndarje të mëdha në shoqërinë evropiane – rritje të antisemitizmit dhe islamofobisë. Ne në mënyrë ideale duam që lufta të përfundojë përpara se ajo të kalojë në kufijtë tanë .”
Top Channel
