Adoleshentja u vetëvra? Prokurori për vdekjen e vajzës në Enna: Këpucët nuk ishin të pastra! Letra e lamtumirës, e shkruar prej saj 26/11 13:39
Një i ri musliman i komunitetit Rohinga ka mbajtur prindërit e tij të moshuar e të paaftë për të ecur, në kurriz me shporta për më shumë se 100km për t’i shpëtuar dhunës në Mianmar.
Imazhet e tij janë shpërndarë gjerësisht në rrjet dhe djali i devotshëm është vlerësuar gjerësisht si hero.
I riu i paidentifikuar kishte improvizuar shportat e thurura në dy anët e një druri që mbante mbi shpatulla, dhe kreu rrugëtimin e pabesueshëm për t’u larguar nga territori Rohinga në Burma ku raportohet për persekutim të minoritetit nga ushtria.
Në njërën anë ai mbante nënën e tij 65-vjeçare dhe në anën tjetër babanë 80 vjeçar. Të dy të moshuarit dukeshin të dobët dhe të paushqyer.
Kur i riu arriti në Bangladesh pas 10 ditë udhëtimi këmbëzbathur, u prit dhe u ndihmua nga vendasit.
Imazhi i vrazhdë është shpërndarë në shumë media të botës, duke u kthyer në një simbol të persekutimit të minoritetit musliman Rohinga nga shumica budiste në Burma.
Zyrtarët atje kryejnë veprimet e dhunshme me pretekstin se po luftojnë terroristët, ndërsa kritikët dhe aktivistë perëndimorë të të drejtave thonë se është një spastrim etnik.
Top Channel
