Dueli i vitit në boks mbyllet pa “hakmarrje”, Usyk mund Tyson Furyn dhe rikonfirmon veten si më i miri në botë 22/12 09:53
Cristiano Ronaldo shënoi golin që i dha Al-Nassr fitoren ndaj Damac (2-1). Në zonën e intervistave, pas ndeshjes, CR7 vuri në pah rëndësinë e momentit, shpjegoi formën e mirë dhe foli për planet për të ardhmen.
“Ishte një ndeshje shumë e vështirë. E dinim që pas ndeshjeve të kombëtares, sfidave, udhëtimeve,… ndeshja do të ishte shumë e vështirë. Damac është një skuadër shumë e mirë, në pjesën e parë pësuam gol, por në pjesën e dytë u përgjigjëm mirë, luajtëm mirë, shënuam dy gola dhe e merituam fitoren”, tha sulmuesi portugez.
Mbështetësit e klubit saudit shpalosën një banderolë me numrin 200, për faktin se luzitani ka kapërcyer barrierën e 200 paraqitjeve me kombëtaren, si askush tjetër në histori.
“Përkushtim dhe punë e palodhur. Siç e kam thënë shumë herë, e trajtoj mirë trupin tim dhe trupi më ndihmon. Tani për tani, në moshën 38-vjeçare, kam mjaftueshëm energji për të vazhduar të luaj dhe të ndihmoj ekipin tim. Ndihem i lumtur, por pa ekipin dhe shokët e mi asgjë nuk do të ishte e mundur.”
Për sa kohë do të mund ta shohin fansat në Arabinë Saudite Ronaldon?
“Hap pas hapi. Do të luaj patjetër këtë vit dhe vitin e ardhshëm, me siguri. Pastaj, nëse trupi im thotë “Cristiano, vazhdo”, unë do të vazhdoj”, është përgjigjur CR7, duke falënderuar tifozët sauditë për mbështetjen e tyre: “Ata më bëjnë të lumtur dhe unë i bëj të lumtur”./ Supersport
Top Channel
