“Kërkoi të shkatërronte imazhin tim dhe…”/ Blake Lively akuzon për ngacmim seksual regjisorin e filmit “It Ends With Us” 22/12 14:00
Muzikanti Justin Timberlake thuhet se i ka dhënë fund lidhjes së tij trevjeçare me Britney Spears duke i dërguar asaj një mesazh të shkurtër.
Çifti u nda në vitin 2002 pas spekulimeve se Britney e kishte tradhtuar. Në kujtimet e saj të ardhshme, The Woman in Me, të cilat do të publikohen pas disa ditësh, Spears konfirmoi thashethemet për pabesi duke zbuluar se ajo puthi koreografin e saj Wade Robson.
Gjithashtu u zbulua se ajo u shkatërrua kur Timberlake u nda me të përmes mesazheve, shkruan “The New York Times”. Justin shkroi vetëm dy fjalë në atë mesazh, dhe ajo e lexoi atë gjatë xhirimit të videos për “Overprotected: The Dark Child” në Los Anxhelos.
Regjisori Chris Applebaum tha se Spears u zhduk nga seti dhe më pas e gjeti duke qarë në dyshemenë e rimorkios. Këngëtarja thuhet se i tregoi Chris një mesazh me tekst nga Timberlake ku shkruhej: “Ka mbaruar”.
“Shiko. Nuk mund ta besoj,” i tha Britney Chris. Ajo nuk donte të vazhdonte xhirimet atë ditë, por Applebaum e motivoi. “Nëse dëshiron, mund të shkosh atje dhe të xhirosh skenën e fundit në shi dhe t’i tregosh se ai bëri gabimin më të madh të jetës së tij,” i tha ai.
“Kjo është një ide e mirë. Unë do t’i tregoj atij se ka larguar gjënë më të mirë që ka pasur ndonjëherë,” u përgjigj Britney.
Fansat e këngëtares janë tërbuar për sjelljen e Justin ndaj saj dhe X (ish-Twitter) është vërshuar me komente.
Kujtojmë se Britney zbuloi se mbeti shtatzënë gjatë lidhjes me Justin, por e abortoi.
“E doja shumë. E prisja që një ditë të krijonim familje, por Justin nuk ishte i lumtur për shtatzëninë time. Ai tha se nuk jemi gati për një fëmijë, se jemi shumë të vegjël”, ka shkruar këngëtarja.
“Jam e sigurt se njerëzit do të më urrejnë për këtë, por unë u pajtova me të. Nuk e di nëse ishte vendimi i duhur”, shtoi ajo.
Top Channel
