![](https://top-channel.tv/wp-content/uploads/2024/09/r_sd-800x450.jpg)
Aktorja Meryl Streep është duke u ndarë nga bashkëshorti i saj Don Gummer pas 45 vitesh martesë.
Sipas mediave të huaja, ata janë ndarë prej më shumë se gjashtë vitesh, por këtë informacion e kanë mbajtur të fshehtë. Lajmin për divorcin e tyre e ka konfirmuar përfaqësuesi për media i Streep.
“Don Gummer dhe Meryl Streep janë ndarë për më shumë se 6 vjet. Dhe ndërsa ata gjithmonë do të kujdesen për njëri-tjetrin, ata kanë zgjedhur jetë të ndara”, tha ai.
Çifti u prezantua nga vëllai i saj Harry në vitin 1978, dhe hera e fundit që çifti u pa së bashku ishte në vitin 2018 kur ata dolën së bashku në Oscars.
Streep dhe Gummer kanë katër fëmijë: djalin Henry Wolfe dhe tri vajza, Mamie Gummer, Grace Gummer dhe Louisa Jacobson. Përveç kësaj, ata kanë pesë nipër e mbesa.
Përveç pasurisë së tyre në Connecticut, çifti ndau një papafingo të gjerë Tribeca në Nju Jork derisa e shitën për 15.8 milionë dollarë në janar 2020. Më pas, në korrik të vitit 2020, Streep bleu një shtëpi me vlerë katër milionë dollarë në Pasadena të Kalifornisë.
Top Channel