Masakër në një universitet në SHBA, dy të vdekur dhe tetë të plagosur. Arratiset autori 14/12 01:07
Analisti politik rus me bazë në Perëndim, Valery Solovey ka bërë sot pretendimin sensacional se Presidentit Vladimir Putin nuk i ka mbetur shumë për të jetuar dhe se ishte detyruar të dërgonte një sozi dje në samitin në Pekin me presidentin Xi Jinping.
Pretendimet e Solovey mbrojnë idenë se Kremlini dërgoi një president fallco pasi shëndeti i Putin është përkeqësuar dhe nuk mund të merrte pjesë në udhëtimit e rëndësishëm në Kinë, shkruan rrjeti britanik The Mirror.
Solovey tha: “Presidentit Vladimir Putin nuk i ka mbetur shumë për të jetuar prandaj ashtu si herë të tjera muajt e fundit po zëvendësohet nga sozia e tij. Besoj se pala kinez e dinte se me kë kishin të bënin.”
Sipas ekspertit pala kineze luajti lojën me sozinë e Putin me qëllim të mos prishnin rendin e rrethit të tij para ndryshimit të mundshëm te kryetarit.
Sipas rrjetit Telegram në kanalin General SVR, elita e vogël që kontrollon sozinë e Putin menduan se takimi me Xi ishte shumë i rëndësishëm dhe nuk duan të humbasin pushtetin në rast të humbjes së presidentit të vërtetë, shkruan The Mirror.
Ekspertët thonin se vërenin ndryshime të rëndësishme te sozia, megjithëse ishte i përgatitur mirë. “defektet duket se janë te e ecura, dhe te mollëzat që duket sikur zhvendosen”.
Përveç Solovey, edhe kreu i inteligjencës ukrainase Kyrylo Budanov ka akuzuar Putin se qëndron i fshehur, duke pretenduar se prej një viti ai nuk del vetë në publik.
Putin ka pranuar në të kaluarën se ndihmësat i ofronin sozi. Pararendësit e tij sovjetikë Stalin e Brezhnev raportohet se kanë pranuar ofertën e përdorimit të sozive, ndërsa Putin ka thënë se e ka refuzuar.
Top Channel
