Avioni përplaset me disa kamionë teksa zbriste në pistë, tre të plagosur 17/11 22:57
Fronte të reja lufte mund të hapen me Izraelin, nëse Jerusalemi vazhdon “krimet e luftës dhe rrethimin humanitar në Gaza”, tha ministri i Jashtëm i Iranit Hossein Amir-Abdollahian gjatë vizitës së tij në Bejrut, sipas gazetës shtetërore të lajmeve të Iranit Tasnim.
Amir-Abdollahian tha se zyrtarët perëndimorë e pyetën nëse është e mundur të hapen fronte të reja kundër regjimit izraelit apo jo.
“Natyrisht që me vazhdimin e krimeve të luftës izraelite dhe rrethimit humanitar të Gazës dhe Palestinës, çdo vendim dhe mundësi nga anëtarët e tjerë të lëvizjes së rezistencës është i mundshëm”, tha Amir-Abdollahian.
Lëvizja e rezistencës i referohet grupeve që janë kundër shtetit të Izraelit, duke përfshirë Hamasin, Hezbollahun dhe grupet e armatosura në Siri, Irak dhe Jemen.
Ministri i Jashtëm nuk dha detaje se me cilët zyrtarë perëndimorë foli.
Ai u takua gjithashtu me Hassan Nasrallah, Sekretarin e Përgjithshëm të Hezbollahut. Gjatë takimit, të dy shqyrtuan ngjarjet dhe zhvillimet e fundit pas sulmit të Hamasit dhe agresionin e Izraelit kundër Gazës, sipas Tasnim.
Top Channel
