Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Izraeli ka mobilizuar 300 mijë ushtarë rezervë izraelitë, një pjesë e madhe po dërgohen në kufirin me Rripin e Gazës dhe në kufirin verior me Libanin.
Hesbollahu, një tjetër grup militant, përbën një kërcënim në kufirin libanez për shkak të pranisë së fortë ushtarake, për këtë arsye Izraeli po i paraprin një tjetër ndërhyrjeje të befasishme.
Teksa ushtria izraelite njoftoi se po përgatitej për një sulm tokësor ndaj militantëve islamikë në enklavën palestineze, grupet e armatosura të Hamasit po stërviten intensivisht për t’i bërë ballë ofensivës izraelite.
Ligjvënësit izraelitë kanë mbështetur qeverinë e zgjeruar emergjente, një ditë pasi kryeministri izraelit, Benjamin Netanyahu, njoftoi për bashkimin në ekzekutiv me rivalët e tij, për aq kohë sa të vazhdojë konflikti me militantët palestinezë të Hamasit.
Militantët e Hamasit po goditen vazhdimisht nga Izraeli, pavarësisht se në dorën e tyre janë të paktën 150 pengje. Tre sulme izraelite kanë goditur gjithashtu kalimin Rafah me Egjiptin, e vetmja pikë hyrëse në Gaza që nuk kontrollohet nga Izraeli. Bilanci i viktimave në Gaza po rëndohet edhe më tej me kalimin e orëve ku raportohen për më shumë se 1400 palestinezë të vrarë, përfshirë 447 fëmijë. Mijëra të tjerë kanë mbetur të plagosur duke tejmbushur spitalet, që po ashtu nuk po furnizohen më me ilaçe.
Bllokada izraelite ka lënë pa shërbime telefonike dhe energji elektrike Rripin e Gazës, ndërsa nafta rezervë po shteron me kalimin e orëve. Në vend po mungon furnizimi me ushqime, ujë dhe element të tjerë jetikë.
Po ashtu as militantët e Hamasit nuk po tërhiqen nga sulmet e vazhdueshme që kanë vrarë 1300 izraelitë.
Shtëpia e Bardhë njoftoi se Qeveria amerikane do të nisë operimin e fluturimeve për evakuimin e amerikanëve që duan të largohen nga Izraeli, ndërsa numri i viktimave ka arritur në 27 amerikanë.
Top Channel
