Spektakël i garantuar në Euro 2024/ Pretendentët luajnë në të njëjtën anë, Italia sheh rrezik vetëm nga… Anglia 26/06 09:29
Ballkani mori një fitore të madhe në “Fadil Vokrri” përballë gjigantëve kroatë të Dinamos së Zagrebit, teksa triumfoi me rezultatin 2-0, duke marrë 3-pikëshin e parë në grupin C të Conference Leagues.
Disfata në Prishtinë është përjetuar keq në kryeqytetin kroat, me mediat që kanë nisur të aludojnë për shkarkimin e trajnerit të Dinamos së Zagrebit, boshnjakut Sergej Jakirovic.
Tekniku 46-vjeçar ka përfunduar në qendër të kritikave për paraqitjen zhgënjyese të kroatëve në Prishtinë, teksa edhe shumica e tifozëve të Dinamos së Zagrebit, kanë kërkuar shkarkimin e tij të rrjetet sociale.
Edhe vetë trajneri mori menjëherë përgjegjësinë pas ndeshjes, duke kërkuar ndjesë, teksa pranoi se kjo është humbja më e rëndë që ka pësuar në karrierë.
“Një humbje e merituar. U kërkoj falje të gjithë tifozëve dhe gjithë Kroacisë. Marr përgjegjësinë për atë paraqitje të dobët, ndonëse u përpoqëm të përfitojmë në maksimum për të fituar. Ata ishin shumë më të mirë se ne dhe na bënë atë që unë doja t’u bënim në fushë. Kjo është humbja më e rëndë për mua në karrierë. Duhet ta pranoj këtë dhe të shohim se çfarë do të sjellë e nesërmja”, tha trajneri pas ndeshjes.
Top Channel
