Humb ndjenjat efektivi gjatë protestës para bashkisë, transportohet në spital 15/11 12:03
Eros Muça është rikthyer në Shqipëri pas dy vitesh emigrim në Francë, për të ndjekur shkollën 9-vjeçare këtu.
Sipas Erosit, sistemi arsimor është më i lehtë në shtetin francez krahasuar me Shqipërinë, mirëpo në vendin e tij ndihet më i mirëpritur.
Ka qenë e vështirë gjuha Eros?
“Po, ishte pak e vështirë. Këtu unë ndihem si në shtëpi. Megjithatë ngarkesa mësimore atje, mësimet ishin më të lehta”, tha ai.
Eros u largua në moshën 10 vjeçare drejt një toke të huaj pa ditur gjuhën frënge, ku pati sfida të përshtatej me jetesën e mësimdhënien atje; ndaj prindërit e tij vendosën t’i jepnin një mundësi të dytë Shqipërisë.
“Më pëlqen këtu sepse ka më shumë gjallëri, jam pranë gjyshërve. Kam më shumë shokë dhe shoqe, ndërsa atje isha më i mbyllur. M’u desh një vit të mësoja gjuhën siç duhej”, tha Eros.
12-vjeçari i rikthyer në vendlindje po ndjek klasën e shtatë në një mjedis të ri, me mësues dhe nxënës të panjohur më parë, por që nga 11 shtatori kur nisi viti shkollor janë shndërruar në miqtë e tij më të mirë.
“Unë kam që në klasë të parë këtu, kam përcjellë e pritur nxënës. Edhe me Erosin jemi sjellë shumë mirë, e kemi mbajtur shumë afër. Më pëlqen frëngjishtja edhe kënaqem kur më flet për kulturën franceze”, thanë nxënësit e tjerë.
Orët mësimore në klasë zhvillohen edhe të ndarë në grupe, ku qëllimi është jo vetëm fitimi i njohurive, por edhe socializimi i nxënësve me njëri-tjetrin dhe bashkëpunimi mes tyre për detyrat.
Kjo metodë e mësimdhënies e ka ndihmuar Erosin që të rikuperojë kohën larg shkollës shqiptare dhe të afrohet më shpejt me shokët e klasës.
Top Channel
