Në Barcelonë protestohet kundër rritjes së çmimeve të qirasë 24/11 11:49
Trupat ukrainase po “fitojnë gradualisht terren”, në kundërsulmin e tyre gjithëpërfshirës kundër linjave të ngushta të mbrojtjes ruse në Ukrainën juglindore, tha Sekretari i Përgjithshëm i NATO-s Jens Stoltenberg gjatë një vizite të paparalajmëruar në Kiev të enjten.
“Sot forcat tuaja të Ukrainës po ecin përpara, ato përballen me luftime të ashpra, por ato gradualisht po fitojnë terren“- tha Stoltenberg së bashku me presidentin ukrainas Volodymyr Zelensky. “Çdo metër që fitojnë forcat ukrainase është një metër që humbet Rusia”.
NATO i ka dhuruar Ukrainës armë me vlerë miliarda dollarë, por deri më tani nuk i ka dhënë vendit pranimin në aleancë, pavarësisht kërkesave të përsëritura nga Kievi.
Stoltenberg tha të enjten se NATO ka gati kontratat për më shumë se 2.5 miliardë dollarë “municione kyçe” për luftën në Ukrainë, duke përfshirë më shumë se 1.5 miliardë dollarë porosi të qëndrueshme.
Top Channel
