Avioni përplaset me disa kamionë teksa zbriste në pistë, tre të plagosur 17/11 22:57
Ministria e Mbrojtjes e Rusisë po rekruton ish-anëtarë të Grupit Wagner për kompanitë e veta ushtarake private, sipas Institutit për Studimin e Luftës.
Duke cituar një bloger ushtarak rus, Instituti për Studimin e Luftës pretendon se ish-personeli i Wagner-it që u largua nga organizata me anëtarin themelues Andrey Troshev pas rebelimit fatkeq të Yevgeny Prigozhin, tani i janë bashkuar PMC-ve “Redut” dhe “Korpusit Vullnetar” të lidhur me Ministrinë e Mbrojtjes.
Blogeri pohoi gjithashtu se ato ish-trupa Wagner kanë filluar të ridislokohen me njësitë e tyre të reja në zonën Bakhmut të Ukrainës, vendi i fitores më të famshme të ish-organizatës së tyre.
“Blogeri i luftës pretendoi se Troshev po përpiqet të rekrutojë personelin e Wagner që aktualisht po operon në Bjellorusi, Afrikë dhe Lindjen e Mesme për PMC-të e lidhura me Ministrinë e Mbrojtjes ruse,” shtoi ISW.
Në lidhje me trupat e Wagner-it të lidhura ende me organizatën, blogeri tregoi se kreu i ri i grupit mercenar ishte Anton Yelizarov, dhe se ai po negocionte me gardën kombëtare ruse (Rosgvardia) për përfshirjen e njësive Wagner në radhët e saj.
Negociatat kanë arritur një pikë pengese për kontratat, sipas blogerit të cituar nga ISW.
Top Channel
