Batuta që shkaktoi të qeshura në studio, Vangjeli tregon kujt i ra “bixha” në dashuri

I ftuar në “Top Story”, Vangjeli tha se Bardhi ka legjitimitetin institucional dhe moral për të qenë kryetar grupi i PD-së. Mirëpo gjatë arsyetimit, ai bëri një lapsus, duke e emëruar Bardhin në mënyrë të pavetëdijëshme kryetar të Partisë Demokratike.

Megjithëse u vetëkorrigjua shpejtë, analisti në mënyrë popullore nuk nguroi të vinte në dukje se mund t’i ketë ndjellë fatin e mirë Bardhit, për të drejtuar Partinë Demokratike.

“Në mos me votat e demokratëve, me mendjen e tij zoti Gazment Bardhi – pavarësisht se e mohon – e dëshiron, e dashuron dhe e synon një gjë të tillë”- tha Vangjeli, duke shtuar se në fund të fundit nuk ka asgjë të keqe.

Dhe kur e dashuron aq shumë diçka, nuk është çudi të të bjerë bixha në dashuri, tha analisti, argumenta që u pasuan nga pohime dhe të qeshura prej anëtarëve të panelit.

Pjesë nga biseda:

Vangjeli: E gjithë kjo histori i ngjanë sherrit të mullirit me erën që i frynë nga anash. Nuk është ndonjë problem kaq i madh kjo historia e kryetarit të grupit të Partisë Demokratike.

Sot, me legjitimitet institucional dhe moral, vazhdon të jetë zoti Gazment Bardhi kryetar i Partisë Demokratike, dua të them i grupit parlamentar të PD-së. Ndoshta ky është një lapsus pararendës dhe del nesër si kryetar i PD-së. Ndoshta gjithmon, ndoshta… Është një lapsus që më doli në mënyrë të pavetëdijshme.

Në mos me votat e demokratëve, me mendjen e tij zoti Gazment Bardhi –  pavarësisht se e mohon – e dëshiron, e dashuron dhe e synon një gjë të tillë. Në fund të fundit nuk ka asnjë gjë të keqe.

Duma: Të dashuroj kë?

Zheji: Kryetarllëkun e partisë…

Vangjeli: Karrierën, ti bjerë bixha. Në fund fare…

Duma: …bie bixha në dashuri.

Zheji: Po normal është puna e bixhës. Nuk është me arsyetim ajo sepse po të ishte me arsyetim, më të mençurit do të bëheshin…

Vangjeli: Nuk është ky problemi, cili do të jetë…

Meço: Mendoj se nuk vlen për zotin Basha kjo gjë.

Zheji: Për Bardhin vetëm…

Top Channel