Zbuloni ushqimet që ndihmojnë në humbjen e peshës dhe përmirësojnë metabolizmin 16/11 19:10
Të pasura me lëndë ushqyese si vitamina E, yndyrna të shëndetshme, proteina dhe fibra, lajthitë mbrojnë shëndetin tonë të përgjithshëm.
Ato rregullojnë kolesterolin
Konsumimi i rregullt i lajthive mbron funksionimin e duhur të zemrës, duke ulur nivelin e kolesterolit. Një studim i mëparshëm zbuloi se një dietë e pasur me lajthi uli nivelet e kolesterolit të lipoproteinave me densitet të ulët të pjesëmarrësve. Ky është lloji i kolesterolit që mund të rrisë rrezikun e problemeve të zemrës.
Studiuesit arritën në përfundimin se mënyra më e mirë për të marrë përfitimet shëndetësore të lajthive, është t’i hani ato çdo ditë, pa rritur marrjen e përgjithshme të kalorive.
Një studim tjetër konfirmoi përfitimet e mësipërme në shëndetin kardiovaskular, duke vënë në dukje gjithashtu se nuk kishte rritje të peshës trupore të pjesëmarrësve. Prandaj, ky zbulim mund të lehtësojë disa shqetësime në lidhje me përmbajtjen e lartë kalorike të arrave.
Ato zvogëlojnë inflamacionin
Reduktimi i inflamacionit është gjithashtu një përfitim që ofrojnë lajthitë. Sipas një studimi, ngrënia e një diete të pasur me lajthi reduktoi shenjat e inflamacionit tek pjesëmarrësit. Megjithatë, një studim tjetër zbuloi se ndryshimi në shënuesit inflamatorë pas ngrënies së lajthive ishte i papërfillshëm. Do të duhen kërkime të mëtejshme për të përcaktuar përfundimisht efektin e lajthive në inflamacion.
Ato përmirësojnë ndjeshmërinë ndaj insulinës
Ngrënia e një përzierje arrash që përfshin lajthi mund të ndihmojë në parandalimin e diabetit. Një provë e vogël kërkimore arriti në përfundimin se ngrënia e arrave të përziera prej 30 g e cila përmbante 7.5 gr. Lajthi, çdo ditë përmirësonin ndjeshmërinë e pjesëmarrësve ndaj insulinës gjatë 12 javëve. Reduktimi i ndjeshmërisë ndaj insulinës luan një rol në zhvillimin e diabetit të tipit 2.
Top Channel
