Prenotimet në Vlorë për fundvit! Qyteti bregdetar tërheq pushues nga Kosova dhe diaspora për festa
22/12 13:18
Zadrima njihet për tokat bujqësore, e zadrimoret ndër vite janë marrë me kultura të ndryshme bujqësore sidomos me prodhimin e misrit.
Vetëm pak kilometra nga Lezha në një pikë grumbullimi e cila është hapur nga iniciativa e një emigranti i cili u rikthye në vendin e tij.
Alfred Shtjefni disa vite më parë e pa të arsyeshme hapjen e kësaj grumbullimi pasi numri i banorëve të zonës të cilët po emigronin ishte i lartë e ndërkaq prodhimi po mbetej stok.
Hapja e kësaj pike grumbullimi ju dha më tepër siguri fermerëve që të mund të investonin në kultivimin e misrit.
“Hapja e kësaj magazine rriti interesin se ke siguri qe produkti është i shitur dhe ka filluar te funksionoj”, deklaroi ai.
Bujqësia ka të pa pritura thotë ai, por kënaqësia që merr e bën optimist për të vazhduar më tej.
“Bujqësia kështu e ka, asnjëherë në bujqësi 1+1 bëjnë 2 por kjo nuk do të thotë që ne s’duhet të vazhdojmë të punojmë, mbetem i kënaqur pasi punoj në vendim tim”.
E gjitha nisi nga një ëndërr thotë Shtjefni, e për tu kthyer në realitet vit pas viti në atë që është sot.
“E kam parë në ëndërr këtë vend dhe unë ashtu e realizova, të bësh biznes nuk është e thjeshtë dhe nuk bëhesh milioner për një vit, çdo gjë ka filluar nga toka”.
Top Channel
