Ish-këshilltari i Trump akuzon Biden: Po saboton përpjekjet e Trump për paqe, nuk do armëpushim 18/11 20:16
Një gjykatë apeli në SHBA ka mbrojtur dje verdiktin se një mësuese e re nga Filadelphia e gjetur e vdekur në 2011 me 20 plagë thike, ka vrarë veten, edhe pse dënonte hetimin e policisë si “thellësisht i gabuar”, thuhej në dokumentet e gjyqit.
Familjarët e 27 vjeçares së ndjerë Ellen Greenberg, përpiqen prej një dekade të ndryshojnë verdiktin për vdekjen e pashpjeguar të mësueses së re, teksa trup i saj ishte mbushur me goditje thike, duke përfshirë 10 në kurriz dhe në qafë.
Familjarët e Greenberg kishin pajtuar ekspertë që thanë se shenjat në apartamentin e saj tregonin për një përleshje dhe se goditja e thikës prapa kokës ishte ajo e kishte lënë të paaftë për të mbrojtur veten.
Ata gjithashtu ngrinin pyetje se përse ajo natën e vdekjes kishte mbushur serbatorin e makinës dhe nuk kishte lënë një shënim që tregonte se kishte dashur të vriste veten.
Paneli i gjykatësve vendosi dje se prindërit e Greenberg, Joshua e Sandra, “nuk kishin pozitën për të ndjekur një padi civile”, por kritikonin policinë, mjekësinë ligjore dhe patologët Marlon Osbourne e Sam Gulino për gabime të shumta gjatë hetimit të tyre, shkruan rrjeti vendas Fox News.
“Faktet në lidhje me çështjen janë shumë trazuese dhe përpjekjet e palodhura të prindërve në këto 12 vjet për të mësuar atë që i ndodhi bijës së tyre mbrëmjen e 26 janarit 2011, meritojnë simpati të thellë,” tha gjykatësja Ellen Ceisler.
Ekspertët ngrinin dyshime për konkluzionet e mjekëve ligjorë Dr. Osbourne Dr. Gulino, pas konfirmimeve se skena e krimit ishte spastruar para mbërritjes së policisë.
Në gjyq i tha se nuk kishte të dhëna se policia mori në pyetje kompaninë që pastroi vendngjarjen dhe as të personit që kishte urdhëruar këtë.
Avokatja e familjes Joe Podraza, tha se administratori i ndërtesës kishte bërë një video të vendngjarjes para spastrimit, por çuditërisht video tashmë nuk gjendet.
Në gjyq u prezantuan gjithashtu provat e autopsisë se të paktën dy nga 20 goditjet e thikës ishin kryer pasi zemra e Greenberg kishte pushuar së rrahuri.
Avokatja dënoi vendimin si një dështim për të bërë drejtësi për një viktimë vrasjeje.
“Për shumicën e opinionit kjo është një mënyrë për të treguar si mund të kryesh një vrasje e të mos mbash përgjegjësi,” tha avokatja Podraza për rrjetin Fox.
“Tre nga gjykatësit kanë thënë se kjo grua është vrarë, se hetimi është i gabuar dhe për turp, por duart tuaja janë të lidhura dhe ju jeni të urdhëruar nga zyrtarë qeveritarë”, shtoi ajo.
Familjarët e Greenberg thanë se do të apelojnë në Gjykatën e Lartë, së bashku me një padi civile për mbulim të fakteve të vdekjes së vajzës së tyre.
Top Channel
