Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Ish-tenistja Angelique Cauchy ka zbuluar se është përdhunuar pothuajse 400 herë nga Andrew Gueddes, ish-trajneri i saj.
Gueddes është dënuar për përdhunim të fëmijëve dhe filloi të stërvitte Cauchy në vitin 1999, kur ajo ishte 12 vjeç. Në një intervistë për France Info, ish-tenistja tregoi se e përdhunonte pothuajse 200 herë në vit dhe madje kishte menduar për vetëvrasje. Incidenti ndodhi gjatë një kampi 15-ditor në La Baule në Francën perëndimore.
“Kam menduar shumë herë të vras veten”, tha ajo në dëshminë e saj në gjykatë.
“Më përdhunonte tri herë në ditë. Natën e parë më kërkoi të shkoja në dhomën e tij dhe unë nuk e bëra, më pas ai erdhi në timen. Ishte më keq. Isha në burg, nuk dilja dot kur të doja”.
Ajo më tej zbuloi se kryetari i klubit të tenisit mbrojti Gueddes për shkak të fitimit të titujve për klubin.
“Në botën e tenisit dihej se sjellja e tij me vajzat e reja nuk ishte e drejtë”, shtoi Cauchy.
Gueddes u dënua me 18 vjet burg në vitin 2021 për përdhunimin dhe abuzimin seksual të katër vajzave nga mosha 12 deri në 17 vjeç. Nga makthi që jetoi, Cauchy kujton saktësisht se sa hapa ndanin dhomat e tyre, duke thënë se ishin 13 hapat e terrorit. Si një formë shantazhi emocional, Gueddes i kishte thënë asaj se kishte SIDA, duke e frikësuar dhe duke menduar se ajo ishte prekur nga kjo sëmundje që kur ishte fëmijë.
“Kam jetuar midis moshës 13 dhe 18 vjeç duke besuar se kam pasur SIDA,” tha ajo.
Top Channel
