Zgjedhjet në Venezuelë/ SHBA kundërshton Nicolas Maduro, njeh si fitues kandidatin e opozitës 20/11 08:01
Një punonjës i shërbimit të inteligjencës së jashtme të Gjermanisë dhe një bashkëpunëtor dyshohet se i dhanë Rusisë dokumente sekrete.
Prokurorët thanë se oficeri i inteligjencës, i cili është identifikuar vetëm si Carsten L në përputhje me rregullat gjermane të privatësisë, u arrestua në Berlin më 21 dhjetor të vitit të kaluar.
I dyshuari i dytë, një biznesmen gjerman i vetëpunësuar i identifikuar si Arthur E, u arrestua në aeroportin e Mynihut më 22 janar teksa mbërriti nga Shtetet e Bashkuara.
Shërbimi Federal i Inteligjencës i Gjermanisë, ose BND, tha në kohën e arrestimit të parë se solli prokurorë menjëherë pasi hetimet e brendshme vërtetuan informacione për një rast të mundshëm tradhtie.
Prokurorët federalë thanë sot se Carsten L ishte njohur me Arthur E. që nga maji 2021 dhe se ky i fundit ishte në kontakt me një biznesmen me bazë në Rusi, me lidhje me FSB-n, agjencia e brendshme e inteligjencës ruse.
Të tre dyshohet se u takuan në shtator të vitit 2022 dhe komplotuan për të siguruar informacione të ndjeshme të BND-s gjermane për FSB-n ruse.
Carsten L ofroi gjithsej nëntë dokumente në lidhje me një projekt mbi mbledhjen e inteligjencës teknike në dy raste midis mesit të shtatorit dhe fillimit të tetorit të vitit të kaluar, duke i printuar ose duke i fotografuar ato në ekranin e kompjuterit të tij, thanë prokurorët në një deklaratë.
Më vonë ai i dha materialin Arthur E., i cili fotografoi printimet, i çoi të dhënat e dixhitalizuara në Moskë, i printoi dhe ia dorëzoi FSB-s në takimet me oficerët rusë, shtuan ata.
Top Channel
