“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 21:44
Silva Caka ka deklaruar se taksa e re e referencës e vendosur nga qeveria do të godasë qiraxhinjtë dhe shtojë kostot e familjeve që s’kanë shtëpi.
E ftuar në “Top Story”, Caka e konsideroi atë ligj kundër qytetarit, duke shtuar se në këtë lloj forme operatorët e vegjël do të shkojnë drejt tërheqjes dhe do të monopolizohet edhe tregu i ndërtimeve.
“Po harrojmë që në Shqipëri nuk ekzistojnë vetëm pronarë apartamentesh dhe biznesesh, por ka edhe qiraxhinj. Në momentin që një njeri jeton me qira në një apartament të caktuar dhe i vjen fatura e ujit, atë do ta paguaj.
Ne jemi shumë të ndërgjegjshëm që çdo pronar apartamenti nuk do ta zbresë këtë diferencë, por përkundrazi do t’ia shtojë qiraxhiut. Pra rriten qiratë e shtëpive, rriten çmimet e apartamenteve.
Aktualisht ne jemi në një fazë ku një familje që ka paga normale dhe punon me punë të ndershme, i duhen 64 vite të blejë një apartament me këto çmime të rritura. Tani çfarë do të sjellë kjo?
Kjo do sjellë që çdo çift i ri do të largohet nga Shqipëria. Ikën sepse shkon në një vend ku me një pagë paguan apartamentin me qira. Me qira në Tiranë, me qira në Berlin. Por të paktën aty i del për të jetuar, për të punuar, për të bërë pushime dhe shumë gjëra të tjera që ka të nevojshme një familje.
U bë vite që në Shqipëri bëhen ligje apersona dhe ky është një ndër ta. Të gjithë operatorët e vegjël ose mesatar të ndërtimeve, që në bashki do të paguajn për vëllim dhe çmim reference, detyrimisht do të rriten. Çfarë do të ndodhë?
Të gjithë operatorët e vegjël do të shkojnë drejt tërheqjes dhe do të monopolizohet edhe tregu i ndërtimeve. Do të mbizotërojnë vetëm ata që kanë aftësi paguese të taksave shumë të larta vetëm në bashki, dhe që ne praktikisht e dimë të gjithë kush janë. Dhe sidomos në zonat e shtrenjta si Blloku, Liqeni etj.”-tha Caka.
Top Channel
