“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Gazetari Alban Dudushi është përplasur ashpër me deputetin demokrat Gazment Bardhi sa i përket pjesëmarrjes në zgjedhjet e 14 majit.
Sipas Dudushit, me mosnxjerrjen e kandidatëve për kryetar bashkie dhe Këshill në të gjithë vendin, Bardhi u tha në mënyrë indirekte votuesve mos merrni pjesë në zgjedhje sepse nuk duam t’i bëjmë hije Ramës.
Një deklaratë e tillë nuk është pritur mirë nga Gazment Bardhi, i cili theksoi se mes Edi Ramës dhe Sali Berishës ai zgjedh gjithmon Sali Berishën.
Pjesë nga debati:
Rakipllari: Keni shkuar gjykatë më gjykatë për të mbrojtur këtë lloj vule që ka ai.
Bardhi: Po pra, por se zgjidhim dot atë lloj çështje.
Rakipllari: A ka reflektim? Sepse Berishën e keni shumicë.
Bardhi: Patjetër që ka reflektim. Reflektimi i parë vjen në zgjedhjet e 14 majit ku 250 mijë qytetarë shqiptarë që na kishin votuar një apo dy vite më parë qëndruan në shtëpi dhe u distancuan nga ky konflikt që po dobëson opozitën.
Dudushi: U tha Bardhi mos dilni të votoni se nuk do të nxjerrim kandidat.
Bardhi: Unë u thash të mos dilnin të votonin?
Dudushi: Po jo, ti duke qenë brenda strukturave të PD-së the që ne nuk nxjerrim kandidat sepse nuk duam t’i bëjmë hije asaj partisë që nuk ishte partia juaj.
Bardhi: Joo, u thash që të mos fitonte Edi Rama.
Dudushi: Dhe normalisht, ai potencial që kishte Partia Demokratike brenda, ajo parti që deri dje ti e përfaqësoje, praktikisht vendosi të mos dilte fare të votonte. Kaq e thjeshtë është kjo histori.
Bardhi: Unë e përfaqësoj akoma… Doli partia në zgjedhje, por t’i si paske ndjek zgjedhjet.
Dudushi: Jo mo dolën ata të Sali Berishës. Dolën 100 mijë, ata që dolën për të votuar 1-2 kandidatët tuaj, të cilët prapë i luftuat megjithëse i nxorët vetë. 200 e ca mijë ishin në shtëpi edhe për shkakun tënd.
Bardhi: Jam për shkakun e konfliktit të ndezur në opozitë sepse nuk mundet një njëri normal t’iu besojë dy pjesëve që hahen me njëra tjetrën.
Dudushi: Thelbësorja në këtë histori është që juve…
Bardhi: E zgjidhim dot atë?
Dudushi: Si e zgjidhim dot? E ça domethënë nëse se zgjidhim dot?! Po rrini ashtu siç ishit. Ashtu rrini, siç ishit kur iu thoshit SHBA-ve nuk iu duam juve, do mbajmë bacën që kemi këtu…
Bardhi: Më fal, ti je zëdhënësi i Shteteve të Bashkuara?!
Dudushi: Jo mo unë nuk jam, por deri dje ishte ti zëdhënësi i SHBA-ve. Tani nuk je…
Bardhi: Jam akoma. E kam thënë dhe e përsëris, mes SHBA-së, Britanisë së Madhe dhe Sali Berishës unë zgjedh SHBA-të, Britaninë e Madhe dhe BE.
Dudushi: Këtë tha dhe Lulzim Basha.
Bardhi: Ama me një diferencë, mes Sali Berishës dhe Edi Ramës, unë zgjedh Sali Berishën.
Top Channel
