Kryeqyteti skocez mbulohet nga dëbora teksa moti i ftohtë përfshin Britaninë dhe Irlandën (fotogaleri)
23/11 18:50
Dhjetë persona janë arrestuar dje pas një proteste të dhunshme prej një tjetër episodi të djegies së librit të shenjtë musliman Kuranit, në Suedi.
Trazirat shpërthyen kur refugjati iraken anti-Islam, Salwan Momika dogji dje një kopje të librit të shenjtë në qytetin jugor të Malmo.
Disa automjete u dogjën teksa qindra persona ishin mbledhur për të protestuar gjestin provokues te irakenit, që e ka bërë edhe më parë.
Pasditen e djeshme Momika dogji kopjen e librit të shenjtë në sheshin kryesor Varnhemstorget, teksa e ka bërë këtë edhe më parë dhe nuk dihet cili është motivimi i akteve të tij të urrejtjes.
Një grup protestuesish u përpoqën të ndalnin djegien dhe kjo solli përplasje të dhunshme mes tyre dhe policisë që u goditën me gurë dhe objekte të tjera nga protestuesit.
Disa makina policie u dogjën më pas në Rosengard të Malmo, ku banon një komuniteti i gjerë emigrantësh.
Një zëdhënëse e policisë vendore tha: “E kuptoj se ngjarje si këto mund të trazojnë emocionet, por nuk do të tolerojmë dhunën si ajo e të dielës pasdite”.
Çuditërisht në vendet skandinave ka pasur një seri djegiesh publike të Kuranit sivjet.
Në qershor Momika e bëri gjestin e percmuar para një xhamie në Stockholm, në ditën e Kurban Bajramit.
Policia suedeze tha se gjesti lejohet “prej ligjeve të lirisë së shprehjes”.
Në janar një politikan i djathtë danez Rasmus Paludan, dogji Kuranin jashtë ambasadës turke në Stockholm.
Top Channel
