Publikohen imazhet e mbetjeve të raketave ruse të lëshuara mbi Ukrainë, shikoni si duken 21/11 16:56
Presidenti ukrainas, Volodymyr Zelensky ka deklaruar se do t’i kërkojë parlamentit këtë javë që të shkarkojë ministrin e Mbrojtjes, Oleksii Reznikov, për ta zëvendësuar atë me kreun e fondit kryesor të privatizimit të Ukrainës, Rustem Umerov.
Njoftimi, i bërë në fjalimin e tij të mesnatës drejtuar kombit, përbën tronditjen më të madhe të mbrojtjes së Ukrainës gjatë luftës.
Reznikov, i cili u emërua ministër i Mbrojtjes në nëntor 2021, luajti një rol kyç në sigurimin e ndihmës thelbësore ushtarake perëndimore për të mbështetur përpjekjet e luftës. Por është përballur me akuza të vazhdueshme për korrupsion brenda dikasterit që aktualisht drejton, të cilat i ka konsideruar si shpifje të pabaza.
“Kam vendosur të zëvendësoj ministrin e Mbrojtjes të Ukrainës. Oleksii Reznikov ka kaluar më shumë se 550 ditë luftë në shkallë të gjerë. Unë besoj se Ministria ka nevojë për qasje të reja dhe formate të tjera të ndërveprimit si me ushtrinë ashtu edhe me shoqërinë në tërësi”- tha Zelensky.
Miratimi i ministrit të ri të Mbrojtjes duhet të kalojë përmes parlamentit dhe parashikohet që shumica e ligjvënësve të Verkhovna Rada të miratojnë këtë ndryshim. Presidenti Zelensky shprehu besimin se parlamenti do t’i japë dritën jeshile emërimit të Umerov.
Umerov, një ish-ligjvënës 41-vjeçar me origjinë tatare të Krimesë, ka qenë në krye të Fondit të Pronës Shtetërore të Ukrainës që nga shtatori 2022 dhe ka qenë aktivisht i përfshirë në negociatat delikate të kohës së luftës, duke përfshirë ato që lidhen me marrëveshjen e grurit të Detit të Zi.
Top Channel
Publikohen imazhet e mbetjeve të raketave ruse të lëshuara mbi Ukrainë, shikoni si duken 
