U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
OKB-ja ka ofruar propozime të reja në lidhje me rinisjen e marrëveshjes së grurit, tashmë të lënë nën presionin e deklaratave nga të dyja palët.
Raportohet se në opsionet e sugjeruara përmbajnë pika për heqjen e disa kufizimeve kundër Rusisë.
Këto propozime dyshohet se janë përfshirë në paketën e re, e cila është zhvilluar nga organizata në bashkëpunim me Turqinë. Elementet kryesore të tyre përfshijnë degën evropiane të Bankës Bujqësore Ruse në sistemin SWIFT dhe zhbllokimin e aseteve të kompanive ruse të menaxhimit të mbetjeve, të ngrira në Evropë.
Lideri rus Vladimir Putin që pas përfundimit të marrëveshjes së transportit të grurit ukrainas, ka kërkuar që ndërkombëtarët të heqin sanksionet ndaj vendit të tij për të rinovuar paktin.
Sipas raportit, çështjet e rinovimit të marrëveshjes së grurit pritet të diskutohen gjatë bisedimeve të planifikuara më 4 shtator midis presidentëve turk Recep Tayyip Erdogan dhe homologut rus Vladimir Putin.
Shërbimi i shtypit i Kremlinit raportoi se liderët do të diskutojnë zhvillimin e mëtejshëm të bashkëpunimit midis dy vendeve dhe një sërë çështjesh në axhendën ndërkombëtare.
Top Channel
