Shatërvani i Trevit në Romë rihapet pas punimeve, rregullat e reja për turistët 23/12 08:42
Provinca jugore Kivu ka qenë skenë e disa sulmeve të armatosura mes vendasve dhe kompanive minerare kineze që gërmojnë për flori në Republikën Demokratike të Kongos.
Sot dy shtetas kinezë dhe dy të tjerë u vranë në një sulm ndaj zyrtarëve që transportonin floririn nga galeritë e provincës.
Karvani me katër automjete i grupit TSM Mining transportonte floririn e nxjerrë nga impjantet në lumin Kimbi drejt provincës Kivu.
Sulmuesit raportohet se morën “pakot me flori bruto dhe u larguan drejt xhunglës”, tha zyrtari sigurisë së Fizi, Sammy Badibanga Kalondji.
Dy të vrarët e tjerë ishin një ushtarak shoqërues dhe një shofer, të dy vendas nga Kongo.
Kalondji shtoi se tre persona të tjerë u plagosën në sulm – një punonjës minerar kinez, një tjetër ushtar dhe një punonjës miniere.
Ai shtoi se sulmuesit ishin nga rajoni fqinjë Maniema, pa shpjeguar burimin e informacionit.
Kina është një investitor madhor në R. D. Kongo dhe dominon industrinë fitimprurëse të minierave aty.
Rajoni i Kivu ka qenë skena e disa sulmeve ku grupet e armatosura vendase kanë shfaqur prej kohësh tensione ndaj firmave minerare kineze.
Top Channel
